Lan hau Elgoibarko Izarraren ekimenez eta Elgoibarko Udalaren laguntzaz egindako proiektu baten ondorioa da. Jesus Mari Makazaga Eizagirre euskal filologo elgoibartarra da egilea, berak aztertu baitu Elgoibarko Euskara. [informazio gehiago]
Egilea: Jesus Mari Makazaga
Elgoibarko Euskarari buruzko liburuaren aurkezpena:
egilea: Jesus Mari Makazaga
Izenaren eta haren jokoaren inguruko ezaugarriak aztertuko ditut bigarren atal honetan.
Batetik, kasu-marken (deklinabidearen) eta postposizioen gaineko jakingarriak: zer forma hartzen duen kasu-marka eta postposizio bakoitzak hitz motaren arabera (eta hitzaren amaieraren arabera), eta nola eta zer adierarekin erabiltzen diren, kasu bereizgarrienetan behintzat.
Bestetik, izenaren eratorbidea jasoko dut: alegia, hitza (izena, adjektiboa edo aditza) oinarritzat hartuz, atzizki baten bidez beste hitz bat, hiztegiko sarrera lexikal bat, osatzeko jokoa: edertasuna, gaiztakeria, ikaragarria, eta abar. Zer atzizki erabiltzen diren erakutsiko ditut, eta adibide batzuk eman ere bai.
Beraz, kasu-marken ingurukoak aztertuz hasiko naiz: lehenik, kasu-marken formak tauletan bilduko ditut, eta, gero, kasu-marka bakoitzaren erabilera bereizgarri batzuk jasoko ditut.
