ELGOIBARKO KRONIKA ZAHARRAK

Agur.— Aspaldi ez det idatzi EL DIA'ra, ainbat idazle daudelako uri onetan, ta gañera... xar xamarrak geradelako izparringi gazte baten idazteko.

«Maitxo» idazle txukin ta argia, «erreuma» edo, luzitzen edo ikusi dute; onegatik ez du astirik.

«Agurtzane» berriz... oso arroturik dabill gizongaia inguratu duan ezkero, (aplakatuko aiz, guk aña denborale igaro orduko)

Eskerrak «Ixaka»ri, bestela potx emenguak.

Bergarako jaia.— Oso pozgarria aurtxoen jai eder, ta atsegingarri ura; «Luzear»ek zion bezela jai ouek obeto egin biar ditugu, ni ere ortan nago.

Burrundara ta zalapartakin gauza on gutxi egin oi da.

«Arantxa»ri.— Zu ezagutzeakin oso pozik nago, ta, batez ere zure lengo eguneko itzneurtu ayek ¡txoragarriak!

Oso maitekor etorri zera,

«Arantxa» arreba maitea,

Umeen lanak pozkidaturik

Zatozkit gaur gure artera.

¡Ai! zein egoki goratu dezun

Bergara'ko aurtxoen lana,

Ta txoraturik eduki ginduan

Aur euskaldunen eguna.

Mutriku'ko abeslariak.— Bergaratik etxeruntzian emen abestu zuten Mutriku'ko abeslari txikiak. Oso txalotuak izandu ziran.

Zorionak Gaztelurrutia apaiz langileari, ain talde bikaiña osatu dualako.

ABERRI