Lan hau Elgoibarko Izarraren ekimenez eta Elgoibarko Udalaren laguntzaz egindako proiektu baten ondorioa da. Jesus Mari Makazaga Eizagirre euskal filologo elgoibartarra da egilea, berak aztertu baitu Elgoibarko Euskara. [informazio gehiago]
Egilea: Jesus Mari Makazaga
Elgoibarko Euskarari buruzko liburuaren aurkezpena:
egilea: Jesus Mari Makazaga
Lan hau Elgoibarko Izarraren ekimenez eta Elgoibarko Udalaren laguntzaz egindako proiektu baten ondorioa da. Jesus Mari Makazaga Eizagirre euskal filologo elgoibartarra da egilea, berak aztertu baitu Elgoibarko Euskara.
Jesus Mari Makazaga elgoibartarrak 2007. urtean kaleratu zuen Elgoibarko euskara liburua (Elgoibarko Udala, 2007). Urte batzuk lehenago, 1999. urtean, herriko hizkera biltzeko hainbat grabazio egin zituen egileak, Elgoibarko Izarra elkarteko kideen laguntzarekin, herriko adineko jendearen artean. Elgoibarko auzo guztietako lekukotasunak bildu zituen.
|
Jesus Mari Makazaga |
|
|
Lanaren helburua ahozko tradiziozko euskara jasotzea eta indartzea izan da, eta bide batez, tresna bat lagatzea belaunaldi berriek Elgoibarko euskararen eredu formala zein den ezagutu dezaten.
Lan hau egiteko, 34 herritarren jardunak aztertu ditu Makazagak, adin batetik (60-70 urte) gorakoak, herriko bailara guztietako ordezkariak eta kalekoak hartu ditu kontuan, baita inguruko herrietako batzuk ere.
Makazagak bi modutara jaso ditu testigantzak:
1. Gai baten inguruan jasotako testigantza.
2. Aurrez aukeratutako hiztegi, sintaxi eta arloetan oinarritutako testigantza.
Lan horri esker, bi argitarapen ditugu eskura: “Elgoibarko Euskara” (2007) eta “Elgoibarko Ahozko Euskara” (2010). Lan horietan jasotakoa izango da atari honetan aurkituko duzuena: fonologia, morfologia, sintaxia, esamoldeak, irakurgaiak, hiztegia…
