Lan hau Elgoibarko Izarraren ekimenez eta Elgoibarko Udalaren laguntzaz egindako proiektu baten ondorioa da. Jesus Mari Makazaga Eizagirre euskal filologo elgoibartarra da egilea, berak aztertu baitu Elgoibarko Euskara. [informazio gehiago]
Egilea: Jesus Mari Makazaga
Elgoibarko Euskarari buruzko liburuaren aurkezpena:
egilea: Jesus Mari Makazaga
Batzuetan, zerbait aipatzea, esatea komeni ez denean, erabiltzen ditugun ihesi-berbak dira eufemismoak. Itzulinguruz-edo saihestu egiten ditugu tabu moduko berba batzuk: berba horien ordez erabiltzen dira eufemismoak. Hona hemen Elgoibarren jaso ditudan batzuk:
—Oin bakandu dittuk asko, e! Pentsa'ik, oiñ larogei urte eukitzeko, bittarte horretan zenbatek heguak ipiñiko zittuan. (= Hil).
—Oiñ aprobetxau, hankak luzatu eta gero alperrik da-ta! (= Hil).
—Arnasia gastau jako. (= Hil).
—Gaixo txarrarekin hil da. (= Minbizia).
—Neska txikixetara juatia gustatzen jako. (= Prostitutak).
—Lanak aurretik egin dittualako ezkondu bihar da Joxe. (= Haurdun geratu).
—Beteta laga jok nobixia. (= Haurdun utzi)
—Kristonak egin jittuk, eta barrura sartu juek ixa-ixa. (= Kartzelara sartu)
—Zintzo portau hadi, hor goiko hori akordatuko dok bestela eta! (= Jainkoa)
—Ez, ez, kalian eztago lekurikan. Eta, geiñera, kalian kotxia nun lagarik eztago. Errekauetara junda ere, segittuan daukazu txartela egitten, hau bestia ta… (= Isuna jartzen).
—Gizonen etxian bonbia jarri debe. (= Guardia Zibila).
—Kajatik ekarrittako umia dok hori. (= Umezurztegitik ekarritako umea).
—Emakumiori esnekixa hartzia komeni jaku, hona omen da erretirora allegatzen geranerako. (=Menopausia).
Biraoak nolabait disimulatzea ere eufemismotzat har daiteke. Hona hemen adibide batzuk:
—Brometan moduan esan nion: «(Jo)ño, eztok merkia!».
—Dedio(s)! Eztok giro aspaldixan elur honekin!
